Jowai, Jylliew 23: Ka Jaiñtia Women Awakening Movement (JWAM) kawei naki seng jong ki longkmie na Ri-Lum Jaiñtia kala leit ban kner ïaki kti jong ka jingïarap sha ki lai tylli ki longïing kata haka shnong Shnong Sahsniang-B haka 12.4.2025, ha Mihmyntdu Wahchnong haka 16.6.2025 bad ha Khanduli haka 21.6.2025.
Kane ka longïing kaba don haka shnong Khanduli (kaba ym kwah ban pynpaw kyrteng) ka dei kaba shem lanot bha namar ba ka kmie jong kane ka ïing ka dei kaba don jingpang stroke la kumba arsnem ei ei bad u kurim jong ka ruh ula phet noh bad ka don saw ngut ki khun kiba dang rit. U khun jong ka uba dang khad- ar snem u ka rta u hap ban leit trei man ka sngi ban bsa ïaka ïing ka sem. Na ka liang ka seng kala ïoh ban ïarap daki marbam mar dih.
Haka shnong Sahsniang pat kadei ka longïing kaba mad ïaka jingjia ba sngewsih ha kaba ka ding kala bam duh ïaka ïing jong ki bad kawei ka khun kynthei jong ki kaba don saw snem antad ka rta bad duh lut ïaki jingdon jingem jong ki baroh. Ïa kine ruh ka seng ka ïoh ban synñiang daka song pisa.
Ha ka shnong Mihmyntdu pat ki dei ki khunswet kiba ïasah lang bad u kpa jong ki. Hynrei une u kpa jong ki u don hapdeng ka jingpang jingshitom la kumba hynriew hynñiew snem ei ei bad um lah shuh ban trei ban ktah. Ïa kine ruh ka seng kala ïarap daka song pisa hi.
Ka seng ka phah ïa kane ka kyrwoh kam mut baka kwah ïaroh kwah burom kwah nam. Hynrei kum ka jingpyntip khnang ba kiwei pat ki paralok kiba don mynsiem ban ïarap ruh kin ïoh ban ïarap lang. Ïa kane ka kyrwoh la phah da ka President kong R. Shylla bad ka Secretary kong R. Siangshai.
