Nongstoiñ, Naitung 1: Ka Hynnñiewtrep Youths Council Mawshynrut Circle ka pynpaw ka jingkmen bad ai khublei ïa u P.D.Sangma ba dei u Incharge Deputy Commissioner jong ka West khasi Hills District, u ba la kloi ba shimkhia ïa ka jingujor jong ka seng da kaba ai jingthoh sha ki tnad Sorkar, ha kaba ïa dei bad ka jingbym wan tista ki nongtreikam Sorkar ha ki tnad sorkar bapher bapher ha Mawshynrut, ha kaba kum ka Seng ka la lap ha kine ki bnai, ba bun kim juh wan poi trei, khamtam ha ka sngi nyngkong bad sngi thohdieng.
Ka Seng kan nang peitngor bad lada ka lap ïa ka jingbym shimkhia ka jingbym wan tista ki nongtrei sorkar, kam banse ban khang tala noh ïa kata ka office ka bym ai jingshakri kaba bha ïa ka thaiñ, pynkut ka kyrwoh na u President bad General Secretary Hynñiewtrep Youths Council Mawshynrut Circle.
