Leh burom ka North Liberty ïa 5 ngut ki samla pule jong ka ki ban leit pule Doctor

Jowai, Risaw 16: Ka North Liberty School ka pynlong ïa ka ‘Felicitation Day’ hynnin ka sngi na ka bynta ki khynnah kiba pass ïa ka NEET Toppers Exam 2024 MBBS bad kiba shah jied napoh ka jylla Meghalaya ban leit pule Doctor. Kine ki dei u Wantei Pator, Dauni Therbor Pasi, Chanmi Suchiang, Dethiadiem Plain bad ka Wakarinmaki Shullai.
Ha kane ka program la don ryngkat Bah Richard Uriah, Principal jong ka North Liberty, Vice Principal, Dr. Helen. Uriah iba long i Chief Guest bad ki kmie ki kpa jong ki khynnah, ki nonghikai bad ki khynnah skul baroh.
U Bah Richard Uriah ula ainguh ïa u Blei uba la don ryngkat lem bad ki khynnah skul ha kano kano ka lynti ba ki jam shakhmat bad kumjuh ïa ka skul hi baroh kawei ba ka dang kiew shuh shuh shakhmat,
Ka Dr. Helen. J Uriah haba ai jingkren kala sneng bad kyntu ïa ki khynnah ban long kiba don ka mynsiem ïaishah ha kano kano ka liang, khamtam ha ka liang ka pule puthi khnang ba kaei kaba ki leh kan long kaba seisoh na bynta lawei jong ki.
Ka la ong ruh kito ki khynnah kiba don ka mynsiem long Doctor kim dei ban tieng ne kynran dien, lada long kaba eh ruh ki dei ban ïaineh ha kaei kaba ki thrang ban long. La sam ïa ki momento sha ki khynnah da i Dr. Helen J Uriah ba long ka Chief Guest jong kane ka program.