Jowai, Risaw 20: Ka lympung ïalehkai phutbol bala tip kum ka ‘Hajan Shylla Memorial Trophy 1st Division’ bala pynïaid daka Thadlaskeiñ Sports Association (TSA) West Jaiñtia Hills ka la jam mynta sha ka wat ïakhun Quarter Final, ka ban sdang naduh lashai ka sngi ka 22 tarik Risaw ha madan Wahiajer Multi-Sports Complex.
Shuwa ban jam sha ka QF ka Namdong-B bad ka Ummulong SC ki la jop ïa la ki jong ki jingïalehkai ha ka sngi Saitjaiñ.
Ka Namdong-B ka la pynliem noh da 2-0 kol ïaka Malngiang SC. ïa ki kol na ka Namdong-B la thep da u Felix Lamare (13’) bad u Lamchwa Pale (47’).
Nangta ka Ummulong SC kala jop suk da 6-0 kol ïaka Friends United. ïa kitei ki kol naka Ummulong SC la thep da u Rikima Shylla haka minit ba 15, u Lamphrang Dkhar haka minit ba 41 & 77, u Pyntgen Nongrum haka minit ba 71, u Riphio Pale haka minit ba 76 bad u Daman Shullai haka minit ba 79.
Ka jingïakhun Quarter Final kaba nyngkong kan sdang haka haka por 2 baje nohphai sngi hapdeng ka Nongkhroh Mawsiang pyrshah ïaka Namdong-B.
