Shillong, Nailar 02: Ka khubor ba la ïoh na ki pulit ki la ïathuh ba ha ka 1 tarik mynta u bnai ha ka por kumba 11 baje mynstep ki la ïoh jingtip ba ka la don kawei ka metïap kaba la per hajrong ka wah Satharlong bad mar mar ki la pynlong ka jingtohkit bad ha ka por ba dang tohkit ki la lap ba katei ka metïap ka la pyut.
Namar ka jingpyut jong ka met, ïa ka jingtohkit bad ka jingpyndep ïa ka postmortem la leh beit ha katei ka jaka ba la lap ïa ka metïap ha ka jingdonlang ki nongsakhi. Hadien ba la pyndep ïa baroh ki kam katkum ki kyndon aiñ, la pynkitnoh ïa katei ka metïap sha Khliehriat Civil Hospital East Jaiñtia Hills District.
Halor kane na ka liang u Superintendent of Police ka East Jaiñtia Hills u la ong ba ïa ka metïap la buh hapoh ka jaka buh metïap katei ka hospital bad la kyntu ïa kino kino kiba don ka jingithuh ne jingtip ba kin wan kam bad ban pyntip ïa u Investigating Oficer ha u mobile nombar 8119969604.
