Shillong, Jymmang : U Superintendent of Police ka EKHD, Shillong, da kane u pyntip ba ha ka 23.04.2022, ki bor pulit ki la lapdien ïa kawei ka met ïap jong u briew bym lah ban ithuh ka ba thiah lyngktar hapoh kawei ka ïing ka ba dang shna pynbha hapoh Nongrim Hill, Laitumkhrah Shillong. Hadien ba la jurip bniah bad leh ia ka ba donkam la pynkynriah noh ïa ka shapoh Civil Hospital, Shillong na ka bynta ban pyndep ïa ka postmortem, bad hadien kane la pynkynriah pat shapoh ka jaka buh met ïap jong kane ka hospital na ka bynta ka jingpynithuh.Une u briew bym lah ban tip kyrteng u dei u ba la don kumba 30 haduh 35 snem rta, u ba don ka ryngïeng kumba 5.4 phut bad u ba kham dum sniehdoh.
Ha kawei pat ka jingjia ki pulit ha ka 26.04.2022 ki la lapdien ia kawei pat ka met ïap jong u briew bym lah ban ithuh ka ba thiah lyngktar hapoh ka parling lot NL complex, Malki Shillong, abd hadien ba la leh ïa ka ba donkam baroh la pynkit noh shapoh Civil Hospital na ka bynta ban leh ïa ka ba donkam, bad hadien la pynkynriah sha ka jaka buh met ïap.Une u briew u dei u ba la don kumba 55-60 snem rta bad u ba kham shai sniehdoh.
Kumta la kyntu ïa ki ba haïing hasem jong kine ki briew ba la khlad noh ba kin phone sha kine ki nombor na ka bynta ka jingpynithuh bad ka jingwan shimti ïa ki metïap. I/C Police Control Room, Shillong :0364-2222214 /2222215.
