Shillong, Naiwieng 24: Ka khubor ba la ïoh na ki pulit la ïathuh ba ha ka 19. Tarik mynta bnai ha ka por kumba 10:00 baje mynstep, ki la ïohpdiang ïa ka jingshah phone na u Bah Min Lamare, uba dei u Rangbah Shnong ka shnong Kuliang uba la pyntip ba u la lap ïa uwei u briew uba la thiah khlem tip briew ha Khliehkuling Pamlum, Kuliang. Ha kaba iadei bad kane ka jingjia ki pulit ki la pynlong ïa ka jingtohkit bad ki la lap ba utei u rangbah briew u la don ha ka rta kaba ym duna shuh ïa ka 26 snem bad la suba ruh ba udei u bar jylla.
Shuh shuh na ka liang jong ki pulit ki la ïathuh ruh ba ïa kane ka met ïap la lap na khlaw kaba don hajan ka NH-06 kaba ha Khlieh Kuliang Pamlum, ka shnong Kuliang bad na ka liang jong ki pulit ki la pyndep ïa ka jingtohkit jong ki bad la pynkitnoh ïa ka met sha Civil Hospital Khliehriat na ka bynta ban pyndep ïa ka post-mortem. Ïa kane ka met ïap la buh ha Hospital Morgue jong ka Khliehriat CHC, East Jaiñtia Hills District na ka bynta kiba haïing ba kin wan ban kam.
