Shillong, Nailur 30: Ha ka 27 tarik mynta u bnai, ki shipai BSF jong ka Lyngkhat Border Out Post (EKH) ki la lap ïa kawei ka thuk thuk kaba la suba ba la shah tuh kaba don u nombar AS-22G-8855 napoh kawei ka khlaw na kawei ka jaka kaba dang hab hapoh ka Pynursla PS (EKH). Ha ka 29 tarik mynta u bnai ha ka por 1.42 baje nohphai sngi, u Suzan Ghosh da ka ktien u la pyntip ba ki runar bym lah ban ithuh ki la tuh ïa ka thuk thuk jong u kaba don u nombar ML-05X-6645 napoh ka surok Zikzak, Rilbong, Shillong.
U Bah Victorious Lyngdoh u la phah ka jingujor ba ha ka step jong ka 28 tarik mynta u bnai, ki runar bym lah ban ithuh ki la tuh ïa ka scooter jong u kaba don u nombar ML-05W-8823 na Lumshatsngi, Shillong. Katba u Sekender Ali u la phah ka jingujor ba ha ka 23 tarik mynta u bnai, uwei u runar bym lah ban ithuh uba la kah ïa ka durkhmat u la tuh ïa ka thuk thuk jong u kaba don u nombar ML-05K-4387 na Babupara (WGH).
