Shillong, Lber 23: Ka khubor ba la ïoh na ki pulit la ïathuh ba u Party Commander, A-Coy, 4th Bn., BSF, BOP Hawaitilla (WJH) u la phah ka jingujor ba ha ka 4 tarik mynta u bnai, ki shipai BSF ki la lap ïa artylli ki masi bym don ba kam napoh ka jaka kaba hajan BP No. 1287/RS (WJH).
Sa kawei pat ka khubor ki pulit ki la ïathuh ba uwei u nongshong shnong ka Tura (WGH) u la phah ka jingujor ba ha ka 28 u Nohprah, 2024, laingut ki briew kiba kyrteng ka Aisha Sathika, Gririvasan Lyengar bad u Santhosh Kumara, kiba la pynithuh ïalade kum ki nongtrei ka HEM Securities Pvt. Ltd., Jaipur, Rajasthan, ki la thoh ïa u ka pisa kumba T. 14.56 lak hadien ba ki la pynbeij ïa u ban register advance hapoh ka Demat Account da ka jingkular ba un ïoh shibun ka pisa lyngba ka Block Trading bad IPO subscription.
