Shillong, Nailar 04: Ka State Disaster Response Force (SDRF) ha ka sngi nyngkong ka la lap ïa ka metïap jong u rangbah briew na jingkieng kaba don hapoh jong ka wah Umshing kaba pynïasoh ïa ka thaiñ Mawlai-Mawïong Byepass kaba ha Mawlai Umshing.
Da ka jingïathuh ka District Disaster Management Authority, East Khasi Hills ha ka step jong ka sngi Nyngkong ka kynhun SDRF ba la ïalam da Inspector Romario B Marak ka la poi ha kane ka jaka ha ka por 9:15 baje mynstep bad ki la lap ïa katei ka metïap tang hapoh ka 15 minute.
Ïa kane ka metïap la aiti noh sha ki pulit ban leh ïa ka kam kaba donkam katkum ka aiñ.
