Nongpoh, Jymmang 15: Ki pulit ka Khanapara Police Station mynta ka sngi kila lap ïa kawei ka metiap jong uwei u rangbah bala thiah lyngktar harud surok na Hatimara Killing ha Ri-Bhoi ryngkat ki dak mong haka met haka por 9 baje mynstep hadien bala pyntip da ki nongshong shnong.
Ïa utei u rangbah la tip kyrteng kum u Gojin Sangma u ba don kumba 35 snem ka rta na katei ka shnong Hatimara Killing.
Ha ka jingtohkit ki pulit na ki bahaiing kila kila ioh jingtip ba utei u rangbah u la mih na iing hynnin ka miet ban leit buh ïala u para arkmie bad ïaid lyngba ka surok Killing haka por kumba 10 baje mynmiet bad khlem wan phai iing shuh, ha ka jingtohkit ki pulit kila shem ba katkum ki dak mong haka met ka dei ka jingshah tynrah kali, naka liang ki pulit kila dep ban register case bad ka jingtohkit ka dang ïaid shakhmat.
