Nongpoh, Ïaïong 15: Uwei u Hati khlaw u la thiah ïap ha kawei ka khlaw kaba don ha 14mer ha ka thain Byrnihat mynta kas ngi, ha kaba la sub aba une u Hati u lah ban ïap na ka jingshah bat ha u sairnar ka bording ielektrik.
Ka tnad Wildlife tang mar ïa ïoh jingtip ka la phah ïa u ophisar ha kaba ha ka jingïalam u Range Forest Officer u Bah Leening Wahlang ki la hiar sha katei ka khlaw ban pynlong ïa ka jingtohkit bad ha kane ka jingleit jurip la lap shisha ba utei u Hati u khlaw ula ïap noh ha kaba la suba jur ba ka lah ban dei na ka jingshah bat ha ka bording ilektrik.
Kane ka jingdon ki sainar Iletrik ha ki khlaw khlem da sumar bha ne leh ha kata ka rukom ban lait na ka jingma, ka la buh jingma ym tang ïa ki mrad khlaw, hynrei ka buh jingma ruh ïa ki paidbah ba leit donkam sha ki khlaw ki btap. Kumba long haduh mynta ki ophisar na ka tnad Wildlife ki dang tohkit bniah bad ki dang ap ïa ka hukum na kiba halor la yn tep ne thang ïa utei u Hati khlaw.
Shuh shuh u Bah Leening Wahlang kumm u ophisar, u la buh ruh ka jingkyrpad sha ka tnad MeECL ba kan tohkit bniah bha ïa kitei ki sainar iletkrik, khnang ba kane kan nym buh jingma ïa ki mrad bad wat ïa ki paidbah nongshong shnong.
