Nongpoh, Lber 29: Hadien lai sngi ba ka la jah na la ïing, ïaka samla Larikynti Nongbet, 24 snem ka rta na Umsaitsning Lad Mawroh ha Ri Bhoi District, la lap biang ïa ka hynnin ka sngi hapdeng ka jingshitom, bad la pynkit mardor sha jaka sumar.
Lah ban kdew ba katei ka samla ka la jah nala iing naduh ka 25 tarik u Lber 2026, bad naduh katei ka sngi ym shym la don jingïoh jingtip shaphang jong ka. Hynrei hadien ka jingwad kaba khlem sangeh, ki bahaiing hasem ki la ïoh ban lap biang ïa ka bad rah mar mar sha Umsning Community Health Centre (CHC) naka bynta ka jingsumar
Katkum ka jingïathuh jong ki bahaiing, hadien katto katne por ba la sumar ha Umsning CHC, la pynkit noh ïa ka sha Bethany Hospital, Nongpoh na ka bynta ka jingsumar kaba kham bñiah.Ha kaba ïadei bad kane ka jingjia, ki bahaiing kim pat kwah ban kren eiei shaphang katei ka jingjia, hynrei ki la pynpaw ïa ka jingsngewnguh kaba khraw ïa baroh kiba la ïarap ha ka jingwad ïa ka samla naduh ba ka la jah khamtam ïa ka Dorbar Shnong Umsaitsning Lad Mawrong, Seng Samla, Seng Kynthei, Balang Presbyterian Umsaitsning, RBYF Umsning Circle, ki paralok parajor, ki bahaïing hasem bad ruh ïa ki pulit ka Umsning Police Station kiba la trei shitom ban lapdien ïa ka.
