Shillong, Jylliew 01: Ha ka 28 tarik u Jymmang, hadien ka jingïoh jingtip kaba thikna, ki pulit ki la ïoh ban khangkdong ïa kawei ka kali kaba don u nombar ML-08J-0131 ha Lower Babupara, Tura West Garo Hills (WGH) ha ryngkat bad arngut kiba shong hapoh ka kali kiba kyrteng u Abhinash Lohar ba ju khot u Bhola bad u Sonjoy Chandra Roy bad ki pulit ki la lap bad kurup ïa kumba 1.09 gram u jingdih ba la suba ba dei u drok bad kumba 9 tylli ki syringe pat la lap na u Abhinash Lohar. Kham hadien ki pulit ki la ïoh ruh ban bat sa ïa u Brian K Sangma, ba la suba ba u dei uba khaïi bad uba ai ïa utei u jingdih ba suba dei u drok.
