Kolkata, Naitung: Halor ka jingshah ktah u khñiang jingpang ba shyrkhei bala tip kum ‘Monkeypox virus’, la dep shim nongmuna (sample) bad la dep phah sha National Institute of Virology (NIV) ha nongbah Pune na bynta ka jingkhmih bniah bad ban pynthikna halor ka jingpur une u khñiang jingpang ‘monkey pox’ ha ki bynta ka nongbah Kolkata.
Ki kaiphot ba kahtduh jong ki jingkhmih bniah (fianal test report) ym pat ïoh pdiang satia hynrei ki kaiphot kiba ha shuwa ki pyni ba uwei na kiba la shim nongmune la suba ba u don jingshah ktah ha une u khñiang jingpang. Ki bor ka koit ka khah ki la bthah bad tehlakam ia u nongpang ba ym dei satia ban mih sha ki jaka paidbah bad un pynkyrpang ruh ïalade la ka jong ka kamra ha la ïing u shong u sah ban kiar na kino kino ki jingïabit une u khñiat ïa kiwei pat ki dkhot ka ïing bad ki para marjan.
Ki briew ha ka ïing jong u la pyrkhieng bad skhimkhia da ka tnat ka koit ka khiah ka jylla West Bengal.
Kane ka long ka sien ba nyngkong ha ka jylla ban lap shah ktah ha u khnang ‘Monkeypox’ napdeng kiba la shim nongmuna ba la phah sha NIV ban leh ïa ki tes kiba bniah.
Ki dak ki shin jong ki nongmuna ba la shim bad pyni ha ka kaiphod, ki long thik kumba at sohkhliang ba la shim na ki katto katne ki suba bad phah ban tes bniah.
Ka kynhun ki doctor ki la suba ba uwei u samla pule ba shah sumar ha kawei ka hospital ba pynïaid da kynhun shimat (private hospital) ha Kolkata u lah ban dei ba shah tah ha u khñiang ‘Monkeypox’.
Une u samla pule ba suba shah ktah ha une u khñiang jingpang u dei uba dang shu wanphai shen na Europe ha ki khyndiat sngi ba la lah. U dei na ka thaiñ West Midnapore bad shah sumar ha hospital shimet ha Kolkata ha kaba ka met jong u la pud bad ïoh ki jingat sohkhliang jong uneu jait khñiang jingpang.
Ia ka nongmune ba la shim na une u samla la phah National Institute of Virology (NIV) ha Pune nabynta ki jingtes kiba bniah ban pynthikna halor ka jingsuba shah tah ha u khñiang ‘Monkeypox.’ Wat la katta hapdeng ka jingsuba, ïa ka kaiphot ba khatduh ka jingkhmih bniah janai (final test report) ym pat ïoh pdiang satia, ong ka kynhun ki doctor.
