SHILLONG, Kyllalyngkot 05: Ka Mawlai Games & Literary Fest 2026 (MG&LF) ka la iaid sha ka sngi ba-ar hynnin ka sngi ka 05/01/2026 ha kaba ka Mawlai Mawkynroh ka dang lamkhmat ha ka jingïoh khur bun takma ha kaba ka la ïoh 3 tylli ki takma ksiar haduh mynta.
Haba phai sha ka jingïalehkai kaba la long hynnin ka sngi ka 05 tarik u Kyllalyngkot, ha ka phutbol jong ka wat kaba nyngkong ne first round, ka Mawiong Umjapung ka la jop ïa ka Umjaiur da 3 kol la kawei, ka Nongkohlew ka la jop ïa ka Motsyiar lyngba ka tie breaker, ka Madan Mawkhar ka la jop ïa ka Umsaw lyngba ka Tie breaker, ka Nongkwar ka la jop ïa ka Umrynjah da 2-0, ka Nongpdeng ïa ka Iewryngdep da 2-0.
Ha ka Basketball, ka jingïalehkai Quarter ka la iaid lut hynnin ka sngi bad ka Semi Final kan long mynta ka sngi ka 06 tarik u Kyllalyngkot ha kaba ka Nongkwar kan iakhun ia ka Nonglum bad ka Mawiong Rim pyrshah ïa ka Mawdatbaki ha ka liang ki kynthei katba ha ka liang ki shynrang ka semi final kaban long mynta ka sngi kan long hapdeng ka Mawiong Umjapung pyrshah ïa ka Nonglum bad ka Iewrynghep pyrshah ïa ka Mawdatbaki.
Ha ka Literary Competition jong ka Tang Shi Kyntien bad ka Kren Paidbah ne Public Speaking, ki lahduh ki long ka Umjajew bad ka Umthlong na ki ar tylli category jong ka Tang Shi Kyntien.
Ha ka Public Speaking pat ha ka Category A, ka Diamond Kharshandi na Mawiong Umjapung ka la long ka nongjop bad u Garland G Mylliem Umlong na Umthlong u la long u nongjop ha ka Category B.
