Shillong, Rymphang 13: Ka kynhun Special Investigation Team kaba la khlieh da u Deputy Inspector General of Police (DIG) Eastern Range ha Meghalaya, u Vivekanand Singh Rathore kila sdang ïa ka jingtohkit ha kaba ïadei bad ka jingjia ba sngewsih ha ka Mynsngat-Tangsko ha kaba la duh noh ïa 32 tylli ki mynsiem.
Haba ïa kren, u Rathore u la ong ba ka jingtohkit kala sdang ha kiba bun ki bynta ha kaba ïadei bad kane ka jingjia ha Mynsngat-Thangsko.
Ïa ka SIT la pynmih hokum da ka DGP jong ka jylla ka Kong Idashisha Nongrang ha ka 12 tarik mynta u bnai Rymphang, hynrei ka jingtohkit kala dep ban sdang.
Shuh shuh u Rathore u la ong,”Ha ka jingshisha, ha ka sngi Saitjain kaba la dep, Nga la leit hi da lade sha katei ka thain bad peit bad khmih hi ïa ka jinglong jingman ha katei ka jaka”.
Ki dang don 62 tylli ki case kiba dang sahteng ha kaba iadei bad ki kam tih dewïong beain hapoh ka District.
Katkum ka kyndon jong ka SIT ha kaba ïadei bad kane ka jingtohkit ka donkam ban ne lap ïa ka daw tynrai kaba ïalam pat sha ka jingbthei jong ka krem dewiong, bad ruh ban pynlong ka jingtohkit ba janai bha halor kane ka jingjia ha Mynsngat, East Jaintia Hills District na ka bynta ban lap ïa kiba pynkhein ïa ka order jong ka Court bad ruh jong ka NGT.
