Shillong, Nailur 16: U Bah Disparsing Rani ha ka sngi Thohdieng u la ïathuh ba kat kum ka jingtip kaba u la ïoh hadien ba u la wad jingtip lyngba ka RTI na ka ophis u DGP ba ki don haduh kumba 2477 tylli ki post kiba thylli ha ka tnad pulit ha kylleng ki bynta jong ka jylla.
Haba kren sha ki lad pathai khubor u la ïathuh ba na ka liang jong u u la wad ïa kane ka hjingtip hadien ba kiba bun ki samla wad kam wad jam ki pan jingïarap na u ha kabva ïadei bad ki kam kiba thylli bad ha kino ki ophis jong ka tnad pulit.
U la ong ruh ba kat kum ka jingtip kaba u la ïoh ba ki kam pulit ha ka jylla la pynlong khatduh ïa ka jingpynrung kam dei naduh u snem 2018 bad ym pat shym don satïoh kano kano ka jingpynrung kam thymmai.
U la ong ruh ba kat kum ka njingtip kaba la ai sha u ba dei ha ophis SP Ribhoi kaba bun tam ka post kaba lait kaba don haduh kumba 540 tylli, SP Office East Khasi 368, SP East Jaintia 40, Office Commandant MP Battallion East Garo Hills 157, Deputy Inspector General of Police 2 tylli, IGP Shillong 255, Office Commandant SF10 26, DGP 30, SP West Jaintia 79, Commandant 4th MLP Battilion Sohpian 90, 1st Battelion 142, SP West Garo Hils 72, DIGP Western Range 1, SP West Khasi Hills 41, SP east Garo 2, Directorate of Anti Infiltration 75, Principal Police Training School 13, Commandant 3rd Battellion 240, SP North Garo Hills 18, SP South West Garo Hills 45.
Shuh shuh u la ïathuh ba kane ka jingpynrung kam ka sahteng lehse kan dei na ka daw ka roster system kaba dang shu pyntrei shen.
Haba ïadei bad ka jingïoh medal na u Lat ne u President u la ong ba kat kum ka jingtip ba ki ai la ied beit da ka tand ki kam poh ïing.
