Shillong, Naiwieng 13: Ka long ka nam bad ka burom ba ar ngut, u rang bad ka thei pyni dohksah ka Meghalaya kiba la mihkhmat ïa ka jylla ha ka rynsan kabaq la tip da ka 14th WFF Mr.& Ms India (HINDUSTAN) Competition ba la long ha Chennai da kaba ïoh ïa ka nam kum ki Overall Champion ha ka Denim jeans model.
Kane ka lympung 14th WFF Mr.& Ms India (HINDUSTAN) Competition ka la sdang naduh ka 8 tarik haduh10 tarik Naiwieng, 2024 bad la skhi haduh 350 ngut ki nongïashimbynta na kylleng ka ri India.
Ha katei ka rynsan, watla ka Meghalaya la mihkhmat da 7 ngut ki nongpyni-dohksah kiba kham satar ryngkat bad 2 ngut ki nongpynïaid, hynrei ka la lah pat ban lehbha ha kaba baroh ki la wan kyrdan ba kham hakhmat.
Ha kaba ïadei bad kane, ka MBBFA/ WFF Meghalaya ka pynpaw ïa ka jingsngewsarong ba baroh 7 ngut ki la jop ha ki kyrdan ba ki ïashimbynta. Katba ar ngut ki la ïoh nam lahduh napdeng ki lahduh ha ka Mens Denim Jeans Model bad ka Womens Fitness Glamour India.
U Flanagan Kharwanlang President bad u Noel Tariang Gen Secretary jong ka synjuk ki la synran ïa ka kynhun Meghalaya sha Chennai.
Kine ki nongïalehkai kiba la ïoh khusnam lahduh ki long: 1. Daman Pohktai Overall Champion ha ka Denim jeans model: 1. Ka Larisa Syiem -1st in Women’s Fitness Glamour; 3. Pritam Sunar-1st in Bodybuilding below 75kgs; 4. Pyniohladmi Pala- 4th place in men’s physique short category; 5. Akash Choudhary- 5th place in men’s physique tall category; 6. Wanshai Kharchandy-2nd in bodybuilding below 65 kgs & 3rd in above 40 yr; 7. Wanraplang Thubru.. 3rd in bodybuilding below 75 kgs.
