Lahduh ka skul Don Bosco bad St.Dominic ha ka ïakop ‘Drawing bad Essay’ ba la pynlong da ka DONER

Shillong, Jymmang :ïa ka jingïakop Drawing bad Essay Writing ba la pynlong da ka Ministry of DONER ha ryngkat ka jingïatreilang ka State Council of Science, Technology & Environment, Meghalaya bad ka Shillong College la pynkut noh hynnin ka sngi hapoh Shillong College Conference Hall.
ïa kane ka jingïakop la pynlong shi bynta jong ka jingrakhe ïa ka lyngkhuh snem ka ba 75 ka jingïoh laitluid jong ka ri India bad ka jingdap 50 snem ka jingïoh ia ka jylla Meghalaya ka ba pura.
Ha kane ka jingïakop 61 ngut na ki 80 ngut ki nong wan ïashim bynta ki ba la poi sha ka final ïa ka ba la pynlong hynnin kasngi.Ki nongjop ha ka kyrdan ka ba nyngkong ha kane ka jingïakop thoh Essay ki long ka Donesa S. Marak napoh Don Bosco Hr. Sec., Bagh mara; ba ar ka Valareene Moksha na Mawlai Nongpdeng bad ba lai u Nevermind Pohduna na ka skul Holy Cross Hr. Sec. School, Umkiang.
Katba ha ka Drawing competition ïa ka kyrdan ba nyngkong la ïoh rah da u Banlamshwa War na St. Dominic Savio’s Hr. Sec. School, Mawkhar; ba ar ka Iafibakor K. Tariang na Synod Higher Sec. School, Mission Compound bad ïa ka kyrdan ba lai la ïoh rah da ka Biachi Cheara Om Sangma.Nalor kine la sam ruh ïa ki 10 tylli ki consolation prize. ïa kine ki khusnam la sam da ka Dr (Mrs) V. Kharmawphlang, Principal, College of School Education bad u K.D Roy, Vice Principal, Shillong College.