Shillong, Nailur 11 : Ka samla Basukshisha Kharkongor ka la ïoh rah ïa ka nam lahduh ha ka ïakop rwai Khasi ba la pynïaid da ka Hynñiewtrep Association kaba la tip kum ka Hynñiewtrep Idol Season2 ha ka jingïakop rwai phainal kaba la long ha ka sngi Saitjaiñ jong ka taïew ba dang shu dep ba la pynlong ha Tirot Sing Memorial Hall Pyndengumiong Mairang, Eastern West Khasi Hills District.
Ha kane ka sngi la ïa donlang u Bah Donald V Thabah General Secretary ka Khasi Student Union (KSU) kum u kongsan, Bah Oristar Syiemtwa uba lah long kum u symbud kongsan nangta ki nong shah khot sngewbha ba kynthup ïa u Pastor Shanlang Warjri, Nickson Dohling vice president barim ka HYC sengkmie, Bah Charlie Rani president UHM sengkmie, Artis Ryntathiang President HANM Eastern West Khasi Hills District, Bah Kitbok Thabah president ka AMDA bad kiwei kiwei.
Ka samla Basukshisha Kharkongor kaba la ïoh rah nam lahduh ka la khur ruh ïa ka song pisa ba 30,000 tyngka ryngkat ka khusnam Skendrowell Syiemlieh Award, ïa ka nam ba ar la ïoh rah da i heprit Arlene Ïawphniaw iba la ïoh 20,000 tyngka bad ka khusnam Rana Kharkongor Award bad ïa ka nam ba lai la ïoh da ka samla Albaqueen bad Peacefully kiba lah ïoh ïa ka song pisa kaba 15,000 tyngka bad ka ka khusnam R Waroh Pde Award.
Nalor kitei ki lai ngut la sam ruh ïa ki 11 tylli ki Consolation prize kiba lah ïoh ïa ki momento bad ki syrnot kiba kynthup ïa u Aibanson Snaitang, Goverius Mylliem, Barishisha Marbaniang, Kortilang N Rikordor, Myrboh Sisters, Sunmisha Nongbet, u Dio Medy Diengdoh, Wancy Marbañiang, ka Evalyn Pyngrope, Ridashisha Pyngrope bad ka Daphika Nongrum.
Nalor ka jingïakop rwai, la sam ruh ïa ki nongjop Lucky Draw. ba jop ïa ka 1st prize dei u N0. 38043, 2nd prize No. 42879 bad third prize udei u No. 40257.
Ha kane ka sngi la don lang ruh ki bahaïing jong ki kaitor ba lah khlad noh ba kynthup ka khun jong u (L) Bah Rana Kharkongor ka kong Baphidalin Kharhunai, khun jong u (L) R Waroh Pde Kong Naphi Sun bad khun ruit jong u (L) Bah Skendrowell Syiemlieh u Bah Budlang Nongrum.
