SHILLONG, Kyllalyngkot 29: Ka Umpling Sports Club ka la pynlong ïaka phainal jong ka Open Basketball Tournament ha 24 tarik u Kyllalyngkot, 2026, ha Madan Basketball, Umpling ha kaba ka Monarch bad ka DFENCE ki la rah ïa ka nam lahduh.
Ha kane ka sngi la don lang u O.P. Upadhyay, IG BSF Eastern Frontier (HQ), Umpling Shillong kum u Kongsan, bad la synran lang ïa u da u Monoranjan DIG (OPS) bad u Rex Haolai, 2ic OPS, BSF Shillong.
Ki kynhun kiba ïakhun ïa ka jingïakhun phainal ki long: ha ka Men category ka long hapdeng ka SYM pyrshah ïa ka Monarch, katba ha ka Women’s Category ka jingïaknieh nam lahduh ka la long hapdeng ka DFENCE pyrshah ïa ka ONYX.
Ha kane ka sngi la ïa don lang ruh u Rangbah Shnong bah S.F. Pyngrope ryngkat ki dkhot jong ka E.C, Ki nong kitkam jong ka Seng Longkmie, Umpling, Seng Samla, Umpling bad Umpling Taxi Driver Welfare Association.
Hadien ka phainal jong ka Basketball, la pynlong ruh ïa ka Raffle Draw ha kaba ki nongkitkam jong ka Nongrim Hills Sports, Social & Cultural Club, ki la wan ban pynïaid ïa kane ka Lucky Draw.
Kane ka long katkum ka kyrwoh na u President ka Umpling Sports Club, Bah L. Jyrwa.
