Shillong, Nohprah 21: Ka Dong Madanheh West ka la iohrah ia ka Trophy kum ka Lahduh jong ka (L) Stafford Star Rynjah Memorial Phudmuri Interdong Cricket Tournament 2025 hadien ba ka la lah ban pynliem ïa ka Dong Pdengshong da 5 wicket ha ka jingiakhun ïa ka final ha Madan Lum Roman, Mawlai Phudmuri ha ka sngi Saitjaiñ ka 20 tarik u Nohprah, 2025.
Ka SSMP ka la pynlong ïa kane ka lympung kriket kum shi bynta jong ka jingrakhe dap 40 snem ka Seng Samla Mawlai Phudmuri.
Haba phai sha ka jingïakhun ïa ka final jong kane ka Inter Ding ba la pynïaid da ka Seng Samla Mawlai Phudmuri ka Pdengshnong ka la jop ïaka jingïakynting pisa (toss) bad ka la kam trai ban tied nyngkong, ha kaba ka la lah ban kamai 85 run na ki 12 over bad hap noh da 8 wicket.
Haba wan ban beh ïa ka thong ka dong Madanheh West ka la lah ban tied 87 run tang na ki 11.1 over bad hap 5 wicket, kaba la pynthikna ïa ka jingjop da 5 wicket.
Ha kane ka sngi la sam ruh ïa ki khusnam shimet ha kaba u Keeny Lynrah na Madanheh West, u la ïoh khur ïa ka Man Of the Match bad ïa ka nam Player of the Tournament la ïoh khur da u Sambok Nongbet na ka Dong Madanheh West.
ïa ki trophy la sam sha ki Nongjop da ka kongsan bad ka symbud kongsan. Ha kane ka sngi pynhap pyrda la don lang ka Kong Zeeta Rynjah kaba dei ka Kmie bad ka Kong Berlyne Thangkhiew ka Kurim, jong I Late Stafford Star Rynjah kiba la long kum ka Kongsan bad Symbud kongsan.
Lawan sakhi lang da u Asst Rangbah Shnong ka Phudmuri u Bah Sukher Sohlang, ki Dkhot ka Excecutive Committee Dorbar Shnong bad ki Nongïalam Seng Longkmie. La ïoh ïaka jingkren khana lyngkot shaphang ka jingim jong i Late Stafford Star Rynjah na u Bah Bawanlambok Rynjah bad la ioh ruh ka jingkren na ka Kong Rosy Warjri, President Seng Longkmie Mawlai Phudmuri.
