SHILLONG, Naitung 21: Ka East Khasi Hills District ka la paw kum ka lahduh jong ka 10th Meghalaya Jeet Kune-do Championship ba la long ha MSMA Training Centre, Laitkor Kynton-U- Mon.
Kane ka Championship kaba ar sngi lynter ka la long kaba seisoh ha kaba la sdang ïa ka naduh ka 18 tarik haduh ka 19 tarik Naitung, 2025, hapoh ka jingpeit bad pynïaid jong ka Meghalaya Jeet Kune-Do Association [MJKA].
La plie paidbah ïa kane ka Championship da u Bah P.Mawri, Rangbah Shnong jong ka Laitkor Mawri Lumheh. Katba ha ka sngi pynhap pyrda bad sam khusnam la wan da u Chairman ka MSMA u Bah Donny Ranee.
Ki nongïalehkai baroh ki long 150 ngut kiba la ïashim bynta ha kane ka lympung ïalehkai Jeet Kune-Do ba la kdew haneng, ba kynthup ïa ki District bapher bapher jong ka Jylla, kata kiba na East Jaiñtia, West Jaiñtia, West Khasi Hilss, Eastern West Khasi Hills, West Garo bad East Khasi Hills District.
Nadien ka East Khasi Hills District kaba la ïoh ïa ka nam Champion Team ka West Jaintia Hills District ka la ïoh ïa ka kyrdan ba ar lane ïa ka nam runner”s – up Team
Ha kane ka sngi na ka liang jong u President ka MJKA u la pyntip ba ki nongjop na kane ka Championship kin sa shah jied ban ïashim bynta ha ka lympung ïalehkai Northeast Jeet Kune-Do Championship kaban long ha u bnai Nailar, 2025 ha Cotton College, Guwahati bad kumjuh ruh ïa ka lympung ïalehkai 35th National Jeet Kune-Do Championship ka ban sa long ha u bnai Naiwieng ha Talkatora, New-Delhi.
