Shillong, Nohprah 15: Ka kynhun ïalehkai Basketball jong ka Aeronation bad ka Ri Ar Girls ki la kylla long ki lahduh ba nyngkong jong ka lympung ïalehkai ba la tip da ka 1st Maitshaphrang Knockout Basketball Tournament 2024, ba la pynïaid da ka Khasi Studunts Union Sawmer Unit.
Kane ka la urlong hadien ba kitei ki ar kynhun na ka liang shynrang bad kynthei ki la lah ban seisoh ha ka jingïakhun final kaba la long ha ka 14 tarik Nohprah, 2024 (sngi Saitjaiñ).
ïa kane ka lympung ïalehkai Basketball la wan pynhap pyrda da u samla Donald V. Thabah – General Secretary ka KSU Seng Kmie u ba la long kum u Kongsan ha ryngkat ka jingïadonlang u President barim ka KSU u Bah Daniel Khyriem kum u Symbud Kongsan. Kiwei de kiba la ïadonlang ha kane ka sngi ki long u Assistant Finance Secretary ka KSU Seng Kmie u samla Ostarnic Marbaniang, ki nongialam jong ka shnong Sawmer bad ki dkhot ka KSU Upper Shillong Circle, Malki bad Jaiaw Circle.
Ha ka jingïakhun ïa ka final na ki shynrang, ka Aeronation ka la lah ban pynliem noh ia ka Young Blood da 44 la 29 Basket, katba ha ka liang jong ki kynthei ka Ri AR Girls ka la lah ban pynliem noh ia ka Blaze Baller da 56-22 basket.
La ïoh ruh ban sam khusnam sha ki player ba kynsai ha kaba u Bashemphang Kharnaior u la khur ha ka liang ki shynrang, katba ka Bashisha Rani ha ka liang ki kynthei.
