Jowai, Nailar 16: Ka 7 Wasa kala long syndon ka lahduh haka lympung ïalehkai phutbol “Independence Day Cup” Under-17 Football Tournament 2024 bala pynïaid da ka West Jaiñtia District Sports Association (WJDSA) Jowai, kaba la long ha ka 15 tarik u Nailar ha madan Kiang Nangbah Stadium Dongmihsngi, Jowai.
Ka 7 Wasa kala long ka nongjop hadien ba kala pynliem da 4-3 kol ïa ka Khimusniang da ka jingïashut Tie Breaker.
Ha kane ka lympung ïa ka nam Man Of the Match la ïoh da u Eny Manner, ïa ka nam Best Goal Keeper la ïoh da u Richard Khaii, ïa ka nam Top Scorer la ïoh da u Riphi o Shylla (5 Goals), katba ïa ka nam Player of the Tournament la ïoh da u Dawansalanmi Malang kine baroh saw ngut ki dei ki player jong ka 7 Wasa.
Ïa ki khusnam sha ki nongjop la sam da u kongsan u Deputy Commissioner ka West Jaiñtia Hills District bah B.S. Sohliya, haka jingdonlang u DSO ma K. Passah, ki dkhot ka WJDSA nalor kiwei de kiba la shah khot sngewbha.
