Shillong, Naitung 12: U Chief Executive Member jong ka Khasi Hills Autonomous District Council (KHADC) u Bah Titostwerwell Titosstarwel Chyne ha ka sngi Baar u la ïathuh ba na ka liang ka konsil ka long kaba la kloi ban wanrah ïa ki ain kiban teh lakam ïa ka jingwan rung kiba na bar sha upud u sam jong ka lada ka Riti Synshar ka pynkup ïa ka iktiar ban leh ïa kata.
“Ngi ïohsngew ba ka don ka jingkam na ka sorkar pdeng ba kam lah ban ai ïa ka ILP ba ka la don ka Sixth Schedule ha ka jylla. Peit ïa ki kyndon ha ka Sixth Schedule ngin ym lap satia kawei ruh kaba kdew ba ki District Council ba ki don ka bor ban teh lakam ïa ka jingwan uba na bar bad lada ka sorkar India ka ïai ai daw ba ka don ka Sixth Schedule nga ong da kaba shai pynkup bor ïa ka District Council da kaba phi tyrsat ha ka Riti Synshar ïa kita ki kyndon kiba ai bor ba ngi lah ban shna ïa kita ki aiñ” ong U Bah Titosstarwel Chyne haba kren ha ka jingpyntian smai ïa ki nongkitkam ba thymmai jong ka FKJGP seng kmie.
Shuh shuh u la ong ruh ba ka ILP ka dang sahkut ha ka jingpeit bniah ka sorkar pdeng na karta ka daw ki seng bhalang ki dei ban ïakhih ban pynbor ïa ka sorkar pdeng ba kna mynjur ïa ka ILP.
U Bah Titosstarwel u la ong ruh ba ka KHADC kan bteng ban pyntreikam ïa ka aiñ Trading by non-tribal ban pynthikna ba ka hok bad ka jingshngaiñ ki trai muluk kan skhem.
