La weng noh ïa ka curfew miet ha WGH hadien ba la wanphai biang ka shongsuk shongsain

Shillong, Ïaiong 03: Ka Curfew miet ha baroh kawei ka West Garo Hills la weng noh ïa ka hadien ba ka shongsuk shong kala sdang ban wan phai biang hapoh ka District.
Ïa ka curfew miet ha WGHD la pynjari ha ka 19 tarik u Lber, hadien ka jingbym don shuh ka shongsuk shongsain hapoh ka District, hadien ba la mih ka jingklumar na ka daw ba wan ki bar jylla bym dei ki riewlum ban thep kyrteng ba thmu ïakhun ha ka election MDC ha GHADC.
Ha ka order ba la pynmih da u District Magistrade u Vaibhor Agarwal ha ka 1 tarik u Ïaiong u la ong, hapoh ka jingbishar bniah ia ka jinglong jingman kaba mynta, la iohi ba la wan pynphai biang ka jinglong kumba ju long baroh shi katta bad ka jinglong jingman jong ka ain bad ka suk ka sain ka don mynta hapoh ka jingpyniaid.
Kumta, ka jingleit jingwan jong ki paidbah, ka jingtreikam jong ki dukan, ki jaka khaïi, bad baroh kiwei pat ki kam kiba long katkum ka ain kin sdang biang, katkum ka jingbud ryntih ia ki ain, ki kyndon bad ki kyndon kiba treikam.