La thung ïa ki Regional Committee kynthup ïa ki MDC yn pyndep kaiphod hapoh 45 sngi

Shillong, Nailur 26 : Ka sorkar jylla mynta ka sngi kat kum ka jingpynbna ba la pynmih da u Chief Secretary bah D.P Wahlang IAS ka la thung ïa ki lai tylli ki Regional Committee ki ban sdang ban leit jurip bad ïa pynbeit ïa u pud u sam bad ka Assam ha kane ka Wat kaba Ar bad ïa ka kaiphod jong kane ka kam ïa pynbeit pud dei ban pyndep bad aiti sha ka sorkar hapoh 45 sngi naduh mynta ka sngi.
Kine ki jaka ba dang sateng ban ïa pynbeit ïa u pud u sam ki long ka Langpih ha West Khasi Hills, ka Borduar, Nongwah, Mawtamur, Deshdoomreah bad Block II ha Ri Bhoi bad ka Block I, Psiar bad Khanduli ha West Jaintia Hills District.
ïa ka Regional Committee ka ban peit ïa ka Ri Bhoi yn khlieh da u Symbud Myntri Rangbah bah Prestone Tynsong kum u Chairperson bad ki dkhot ki long Shri Dasakhiatbha Lamare, Minister, i/cTransport, etc. – Member, Shri Mayralborn Syiem, MLA, Nongpoh Constituency – Member Bah Jambor War, Executive Member, KHADC (Elaka) – Bah Rangkynsai Kharbuki, MDC, Umroi, KHADC – Member, Deputy Commissioner, Ri-Bhoi District – Member Convenor.
ïa ka Regional Committee ban peit ïa ka jingpynbeit pud ha West Khasi HIlls la khlieh da u bah Renikton Lyngdoh Tongkhar Myntri ka tnad PHE kum u Chairperson bad ki dkhot ki long Bah Macmillan Byrsat, MLA, Nongstoin Constituency – Member, Shri Kimfa S. Marbaniang, MLA, Rambrai – Jyngam Constituency – Member, Bah Gigur Myrthong, Deputy CEM, KHADC – Member, Bah Bajop Pyngrope, MDC, Rambrai -Jyrngam, KHADC – Member, Deputy Commissioner, West Khasi Hills District – Member Convenor.
ïa ka Regional Committee pat ka ban peit na ka bynta kane ka jingïapynbeit pud ha West Jaintia Hills yn khlieh da u ma Sniawbhalang Dhar myntri ka tnad Urban Affairs kum u Chairperson bad kid khot ki long Bah Lahkmen Rymbui, Minister i/c Home, etc. – Member Bah Comingone Ymbon, MLA,Raliang Constituency – Member, Bah Nujorki Sungoh, MLA, Mowkaiaw Constituency – Member, Bah Thombor Shiwat, CEM, JHADC – Member, Deputy Commissioner, West Jaintia Hills District – Member Convenor.
Ka sorkar ka la buh por ba kine ki lai tylli ki Committee kin ïa pynbeit bad ki Regional Committee jongka Assam na ka bynta ban sdang noh ïa ka jingleit jurip sha kitei ki bynta khappud ban ïakren bad ia pynbeit bad hadien kane ban pynkhreh bad aiti ïa ka kaihphod sha ka sorkar hapoh 45 sngi. Kane ka long hadien ba la ïoh ka jingmynjur na baroh ki liang naduh ka sorkar Assam, ki paid khappud kiba shong ba sah ha kitei ki bynta khappud.
Kine ki Regional Committee kin hap ban ïatrei lang bad ki Regional Commitee jong ka sorkar Assam ban leit jurip lang sha ki bynta khppud, ban pynshisha ïa ki kyrteng jong ki shnong kiba la kam da ka jylla Meghalaya bad ki shnong ba la kam da ka sorkar Assam.
Kine ki Committee kin hap ban leit jurip bad ïasyllok bad ki trai shnong jong man la ki shnong ha khappud kynthup ruh ïa ki nongmihkhmat naduh ki MLA bad MDC ban ïashai haba shim ïa ka rai. Kine ki Committee ki lah ban kynthup shuh shuh ïa kiwei ruh ban long ki dkhot. La aiti ha ki DC ba kin ïa pynbeit ïaki tarik na ka bynta ban leit jurip sha kitei ki shnong khappud kata da kaba ïa pynbeit lang bad ki DC jong ki District na Assam.