Khliehriat risaw 02: Ban pynurlong ïa ka thong ban tehlakam ïa ki kam sniew ha ka imlang ka sahlang kata ha rngkat ka jingiatreilang bad ki paidbah kumjuh ruh bad ki bor jong ka aiñ, myn ha ka 26 tarik jong u bnai nailur 2024 ha ka jingïalang ba la pynlong ha Sweet Chilie Hotel Mynkre la thaw bsd saiñdur ïa ka kynhun trei mon sngewbha jong ki kynthei ha East Jaiñtia Hills District, ka Jaiñtia Women Council ha kaba u bah Marshall Biam u long kum u Chief Adviser jong kane ka council bad ha katei ka sngi u la pynskhem ïa ki nongkitkam bad ki dkhot.
La ong ba kane ka Council jong ki kynthei ka long ruh ban ïada ïa ki hok jong ki kynthei khamtam ha kaba iadei bad ki jingshah thom bor ki kynthei
Ha katei ka sngi la ioh ruh ïa ka jingkren u President jong ka United Youth Organization, u bah Khrawbor Ryngkhlem bad U General Secretary jong ka United Youth Organization, u bah Evanda Dong.
Haba kren ha ka jingïalang, u bah Marshall Biam u la ai ki kyntien sneng kyntu kynpham ïa ki nongïalam bad ki dkhot jong ka Jaiñtia Women Council, u kyntu ban long kiba trei shitom na ka bynta ka bha ka miat ha ka im lang ka sah lang.
Ki nongkitkam jong ka Jaiñtia Women Council kiba la jied bad pynskhem ki kynthup ka President, ka kong Evansara Lamare, General Secretary, Nica. L. Lapasam, Sport Secretary, Emika Lamare, Publicity Secretary, ka kong Torislana Siangshai, Secretary Art & Culture, kong Happy Shylla, Education Secretary, ka kong Jubilee Dong, Finanace Secretary, Marleki Lamare, la pynskhem ruh ïa ki lai phew ngut ki dkhot jong katei ka council.
