Shilong, Nailar 04: La ïohi ba katba dang mih ki sngi ka surok ha Garikhana ka la nang julor na ka por sha ka por bad mynta la ïohi ba ïa kane ka surok la shu maramot da ka jingbym banse kata ruh da kaba shu tap da ka khyndew.
Ha kaba ïadei bad kane, haba na ka liang jong u nongthoh khubor u la ïoh ban jurip ïa kane ka surok la ïohi ba ka la sdang ban jot rathai.
Lah ruh ban ong ba ka daw jong kane ka jingsniew ka surok ka lah ban long na ka jingtuid palat ka um kaba la ïoh ban tuid sha surok na ki nala kiba la sniew bad sahkut ñuit kiba don hajan jong kane ka surok.
Na ka daw jong ka jinglang palat ki ñuit la ïohi ba katba nang mih ki sngi la nang ïohi ïa ka jingjulor jong ka surok Garikhana Shillong bad la ïohi mynta ka Sngi ba bun na kiba ñiah kali ki la hap ban iakhun ïa kane ka surok kaba sniew palat.
Ha ka jingleit jurip u nongthoh khubor la ïohi ba ïa kane ka surok la shu tap tang da ka ktieh khyndew ban ïada rapjot ïa ka Shillong kaba la buh ruh ha ka thup smart City kaba ym pat lah ban ong ba kan ïahab dor eiei ha kaba ïadei bad kane ka bynta.
Kumta ha kaba ïadei bad kane la donkam ïa ki bor ba dei khmih ban shim khia ban maramot noh kham kloi ïa kane ka surok khnang ba kan ym wanrah ka jingeh ïa ki paidbah kiba pyndonkam ïa kane ka surok na ka por sha ka por ne manla ka sngi.
