Nongpoh, Jylliew 26: Lyngba ka State Level ban rakhe ïa ka ‘International Day Against Drug Abuse and Illicit trafficking’, kaba dei shi bynta pyrshah ïa ka jingdih drok bad ruh ka jingshalan tuh ïa ki drok, ïa kane ka sngi kyrpang ban pyrsha ïa kitei ki jingdih ba sniew la rakhe ruh ha Ri Bhoi Distsrict.
La sdang ruh ïa kane ka jingrakhe da ka jingïaid paidbah ki khynnah skul kiba la rah da ki placard bad ki banner ban ïalap halor ka jingktah bad ka jingma na ka jingdih drok, ba bun une u jingdih ba sniew u la pynjot ïa ki samla ba lui lui ha ka District bad ka jylla. Kane ka jingïaid paidbah ban ïalap halor ka jingma u drok la sdang na Madan Pahamsyiem bad la pynkut ha Parish Hall, Nongpoh.
Ïa kane ka jingrakhe ïa ka International Day, kaba dei ka sngi ban pyrshah drok la pynlong da ka Meghalaya AIDS Control Society (MACS), District AIDS Control Society (DACS), bad ka District Integrated Strategy for HIV/AIDS (DISHA) Nongpoh, ha ryngkat ka jingïatrei lang bad ka ophis ka District Social Welfare Officer lem bad ka District Medical Health Office, Nongpoh Ri Bhoi District.
Ha kane ka sngi, u Bah Mayral Born Syiem, MLA ka Nongpoh u la wan ruh ban shim bynta kum u kongsan ha Parish Hall, Nongpoh. La ai ruh ka phang ha ka ktien nongwei, “The Evidence is Clear, Invest in Prevention.” kaba mut ki sakhi kiba shai bad ba ngi hap ban shim ïa ki lad jingïada na ka jingktah u Drok bad ruh ka jingshalan beain kaba ktah ïa ka imlang ka sahlang ba bun ki khun samla ba lui lui ki la shah pynjot ha u drok.
Uwei na u Samla ba la tip kyrteng kum u Judonlang Namsang, u ba la ngop ha u drok, ha kane ka sngi u la phla shem mynsiem ba ka jingdih drok ka ktah shisha ym tang ïa lade bad ka ktah ruh ïa ki bor pyrkhat pyrdaiñ, ka ing ka sem bad ka imlang ka sahlang, hakaba kum ki samla kim dei ban ngop ha une u jingdih basniew ba la tip paidbah kum u Drok.
Na ka liang u MLA ka Nongpoh, u Bah Mayral Born syiem, haba kren ha kane ka sngi u la ai jingïaroh halor kine ki bynta ba la pynlong ïa kane ka prokram ban ïalap sha ki paidbah, ba ngi dei ban sngewthuh halor ka jingktah jong u drok sha ki khun samla bad na ka bynta ban lait ki samla na ka tyrsim u drok la dei ka por ba ngin ïa trei lang khnang ba ka ing ka sem bad ka imlang ka sahlang kan don hapdeng ka jingsuk jingsain.
Shuh shuh, u la khot la wer ruh ïa baroh ban don ka jingïatrei lang na ka bynta ban khanglad ïa ki kam shalan beaiñ ïa u Drok bad kumjuh ruh ban shim ïa ki lad jingïada khnang ba bun kin samla ha ka District bad ka jylla kin lait na ka jingma ne ka jingshah pynshoi ban ngop ha u Drok uba la pynnsiew ïa ki samla, ka ing ka sem bad ha ka imlang ka sahlang hi baroh kawei, u la bynrap
