Khliehriat, Nailar 29 : Kum shi bynta ka jingrakhe ïa ka sngi kyrpang ka ‘National Sport Day’ ka ophis jong ka District Sports Officer, East Jaiñtia Hills District, Khliehriat ha ryngkat ka jingïatreilang bad ka District Sports Promotion Society, East Jaiñtia Hills District, mynta ka sngi ka la pynlong ïa ka jingïalehkai sport, kum ka jingïatan tyllai bad ka jingialehkai mawpoiñ, ïa kane ka prokram la pynlong ha madan Dkhiah West.
Ha katei ka jingïalehkai sport, la don hynriew tylli ki skul kiba don hapoh ka district ki la ïa wan ban ïa shim bynta ba kynthup ki khynnah kynthei bad khynnah shynrang.
Ha ka jingïalehkai ïatan tyllai (Tug of War) bad ka jingïalehkai mawpoiñ, ka skul Dkhiah Presbyterian Secondary School, ka la ïoh rah ïa ka nam lah duh katba ka skul Ambrose Memorial Secondary School ka wan ba ar bad ka Ieng Swer Memorial Secondary School ka la wan ba lai.
