Khliehriat, Naitung 18: Ka ophis jong ka District Legal and Services Authority, East Jaiñtia Hills District mynta ka sngi ka la rakhe ïa ka sngi kyrpang ba la tip kum ka ‘Internationla Day of Justice’, shi bynta kum ka jingrakhe, ka tnat DLSA ha ka jingiatreilang bad ka Jaiñtia Eastern College Khliehriat, ka la pynlong da ka drama ne ka skit ba lyngkot ha phyllaw jong ka WIKA Guest House ha Khliehriat bad ka phang pdeng jong ka skit ka long ‘Ka bishar hok ba dei ban ïoh rung hapoh ka imlang sahlang’
Ka skit, ka phalang jingmut halor ka jingthmu ba kongsan jong ka Distric Legal and Services Authority, EJHD kaba don ka thong ban pynbha shuh shuh ïa ka jingbishar ba ki paidbah solonsar ki dei ban ïoh ïa ka jingbishar kaba hok kaba khlem noh shiliang shano shano ruh, kaba khlem ñiew shilang ha kaba ïadei ha ka jingngeit niam, ha ka jingiapher jaitbynriew, kaba khlem peit shiliang la uba heh ne uba khraw, hynrei ban pyndep beit ïala ka kamram kumba dei, kata ban ai ïa ka jingbishar kaba hok ha ka imlang ka sahlang baroh kawei.
