Mawkyrwat, Jylliew 28: U bah T. Lyngwa, Deputy Commissioner ka South West Khasi Hills District u la ai kane ka jingpynbna ba ka surok kaba sdang na ka 9 km jong ka Jakrem – Ranikor Road ka la julor na ka jingwan jong ka lyer kaba jur ryngkat u slap kaba dang shu jia shen ha ka district ha kaba kane ka surok ka la nang khim bad khnang ban lait na kino kino ki jingjia ba sngewsih.
Shuh shuh na ka liang ka ophis jong u Executive Engineer (EE) ka PWD (Roads) jong ka Ranikor Division u la ai jingpyntip ba na ka jingdon jong ka jingtwa khyndew jong ka surok na baroh ar ki liang ha ka 15 km (CH; Km 14+600) jong ka Jakrem – Ranikor Road (Portion from Rangthong – Kenïong) L-11.320 km.
Namarkata, lyngba kane na ka liang u Deputy Commissioner ka South West Khasi Hills District ryngkat u EE ka PWD (Roads) ki la pynbna paidbah ba mynta yn pyrkhing ïa ka ïaid ka ïeng jong ki kali heh katba ka jingmaramot ka dang ïaid shakhmat.
