Mawkyrwat, ‘Nailur, 23: Ka Deputy Commissioner jong ka South West Khasi Hills District, Mawkyrwat ka la ai ïa ka jingpynbna paidbah kaba wan na u Under Secretary sha ka Sorkar Meghalaya, Information Technology & Communication Department ha kaba ïadei bad ka jingpyntreikam ïa ka ‘Unstructured Supplementary Service Data’ (USSD) Mobile Banking ha kaba ki nongpyndonkam ïa ki mobile phones ki lah ban leh ïa ka mobile banking khlem ki ‘smart phones’ ne ‘internet connection’ da kaba ñion ha u <star>99<hash> code ne *99# na ka bynta ban transfer pisa, chek ïa ka pisa, ban ïoh ïa ka bank statement bad kiwei kiwei ki jingdonkam ha kaba ki lah ban leh lyngba 13 jaid ki ktien kynthup ïa ka ktien phareng bad yn ymdon jingsiew na ka bynta kawei ka transaction.
Ïa ka ‘tariff order’ kaba la pyntreikam naduh ka tarik ba la pynmih ha ka Official Gazette naduh ka ka 7 tarik u Ïaïong, 2022 lah ban ïoh lyngba ka https://trai.gov.in/sites/default/files/Regulations_07042022.pdf.
