Khliehriat Rymphang 05: Ka ophis jong u Deputy Commissioner (Supply), East Jaiñtia Hills District, ka pynbna ba la pynthymmai ïa ka dor jong ka umphniang sharak bad ka dor thymmai kan treikam noh mardor naduh u bnai kyllalyngkot 2025.
Ha Jaiñtia Service Station ka dor ban die ha ki dukan wholesale kan long T62.20 tyngka bad ha ki dukan pat kan long ha ka dor T 64.10p tyngka.
Ha Sub-Depot Sutnga ka dor umphniang sharak la buh ban die ha ka dor T66.20 tyngka ha ka dor wholesale bad T 68.10p tyngka ka dor ha ki dukan.
Ka dor ha ki Fair Price Shop (FSP) Centres kiba jngai 5 Km na ki dukan wholesale kata na Jaiñtia Service Station bad na Sub-Depot Sutnga yn buh dor da ka Vigilance Committee.
