Nongpoh, Jylliew 26 : Hadien bala thaw thymmai ïa kawei ka kynhun ki samla kaba la tip kum ka Elaka Myrdon Youth Federation (EMYF), ban peit kyrpang ïaka bha ka miat bad kumjuh ka roi ka par haki shnong ba hap ha Mawtari Myrdon Sirdarship, ïa ki nongïalam ba pura jong katei ka kynhun la pynskhem pura haka sngi Saitjaiñ da u Bah R Nongphlang Acting Sirdar ka Mawtari Myrdon Sirdarship.
Ki nongïalam ba pura jong katei ka kynhun ki kynthup ïa u Bah Shining Kyntla kum u President, Bah Tony Nongrum General Secretary bad kiwei kiwei ki dkhot bad nongkitkam.
La sakhi ruh ha katei ka sngi da ka jingdonlang u Bah Jason S Mawlong MLA ka Umsning, ki nongïalam Raid, ki Rangbah Shnong bad kiwei kiwei ki riew rangbah.
