Jowai, Naitung 10: Katba dang mih ki sngi katta dang ïar ki shnat treikam ka Khasi Student Union (KSU) da kaba pynkha ïa ka KSU Kupli Area Circle bad KSU Laskeiñ Circle kaba la long ha kane ka 9 Naiting 2022 ha Community Hall ka Dorbar Shnong Iooksi West Jaiñtia Hills.
Ha kane ka sngi la ïadonlang da u samla Donald V. Thabah General Secretary Sengkmie ba shim ïaka bynta ba kongsan ban skem ïaki nongkitkam na ka bynta baroh ar tylli ki Circle.
Ïa ka program la pynïaid da u samla Leningrad Tariang uba long ruh u General Secretary ka KSU WJHDU, la ïoh jingkren maitphang da u samla Leiki Richard Tyngkan General Secretary ka KSU Kupli Area Circle, la ïoh jingkren ruh na u Waheh Shnong ka Iooksi Iapkhla uba la pynsngew ba ka KSU ka dei kawei naki seng kaba ïatrei lang ryngkat ryngkat bad ki nongïalam shnong lada ha kano kano ka kam ba bha ha ka imlang sah lang.
Ha kane ka sngi la ïoh jingkren ruh na u samla Nangaibor Sutnga uba long ruh u Waheh Shnong ka shnong Umdeiñlin hakajuh kapor ulong ruh uwei na ki dkhot ba shitrhem bha jong ka seng, la ïoh jingkren ruh na u samla Chanbor War uba bat iïaka kam Vice President ka KSU WJHDU. La pyn itynnad ruh ïaka program daka jingshad tynrai na ki khun kynthei ka Shnong Iooksi bad naka KSU Laskeiñ Unit,
Shwa ban ïoh ïaka jing pynskem ïaki nongkitkam la ïoh jingsneng jingkhraw na u samla Sonstar Nongkhlaw u Assistant Finance Secretary ka KSU sengkmie, ula ong ‘44 tylli ki snem ba ka KSU ka ïaid lynti ka mad shibun ki jingtynjuh, ki jingpyntieng naka sorkar, hynrei shisien bala rhem ka dieñg ym lah shuh ban pynlip’
Ïaka bynta ba kongsan ban pyntian smai la shimti da u samla Donald V Thabah ryngkat ki kyntien sneng kyntien khraw bad kyntien ai mynsiem daba ong ba kine ki ar tyllli ki Circle ka KSU Kupli Area Circle bad ka KSU Laskeiñ Circle ki dei ki Circle ba don ha khappud, kin sa mad shibun ki jingeh jingtynjuh khatam ha jingwan kyntur pud ka Sorkar Assam.
Ula kyntu ba kin long kiba peit pyrman ïaka leit ka wan ki mynder ri, kyntang ïawai shwa ban pynkut ïa ka jingkren ula ong ba ‘long kiba la pynkhreh ban mih madan ha kano kano ka por baka jaitbynriew ka donkam ïa ka sneng’.
Ki nongkitkam naka KSU Kupli Area Circle ki long President-Balawantei Suchiang, Vice President-Ioanis Manner, General Secretary-Leiki richard Tyngkan, Assistant G.S.- Pynshongdor Lapasam, Education Secretary-Akshay Manner, Assist. Education Secretary-Landarson Sutnga, Organising Secretary-Bashanlang Lapasam, Office Secretary – Honest Sajem, Assist.Office Secretary – Chanbor Manny, Publicity Secretary – Teibor Sten, Asst. Publicity Secretary- Pynshai Suchiang, Sport Secretary – Eiladmi Synnah, Cultural Secretary- Return passah,Finance Secretary- Ricky Syntem, Assist. Finance Secretary- Brightstar Sohtun bad u Nangaibormi Sutnga lem bad ki 15 ngut ki Executive members.
Katba ki nongkitkam naka KSU Laskeiñ Circle ki long u President – Jevelin Manner, Vice President- Thrang Law, General Secretary- Santification Hadem, Assist G.S- Shanmiki Hadem, Organising Secretary- Christopher Biam, Assist Organising Secretary-Shiningstar Iakai, Education Secretary-Tammiki Manner, Assist. Education Secretary-Nida Pynbiang Suchiang, Publicity Secretary- Teimiki Suchiang, Assist. Publicity Secretary-Phahbormi Sapuh, Sport Secretary- Emidahun Manner, Assist Sport Secretary-Jopmi Lyngdoh, Finance Secretary-Phrangki Papang, Assist Finance Secretary-Leningrad Tariang, Environment Secretary- Banrilang Rabon, Assist Environment Secretary- Samaya Manner, Office Secretary- Batskem Lamare, Assist Sport Secretary- Wanki Suchaing lem bad ki 16ngut ki Executive Members.
