Shillong, Jymmang 17: Ïa ka jingïaid paidbah kaba la tip da ka Tiranga Yatra la pynlong ha Meghalaya kum ka dak ka jingai burom bad ban pynpaw ïa ka jingïadon bynta lang bad ki shipai kiba la aiti bad ïada ïa ka ri da kaba ïakhun pyrshah ïa ki lehnoh ha Pahalgam na ka daw jong ka jingïashun bad ka ri Pakistan.
Ha kane ka jingïaid paidbah la ïashim bynta lang da u nongïalam ka BJP ba kynthup ïa u Myntri ka tnat Animal Husbandry & Veterinary u Bah Alexander Laloo Hek, ki nongïalam niam, ki kynhun ka imlang sahlang bad ki nongïalam shnong ha kaba ïa kane ka prokram la sdang na BJP headquarters kaba don ha jylla Meghalaya kaba la pynkut pat sha Rhino Prerna Sthal.
Ki paidbah kiba la rah lang bad ki lama jong ka ri, ki la pyrta ruh “Bharat Mata Ki Jaiâ, ˜Armed Forces Zindabadâ bad ˜Pakistan Murdabadâ,
“Ïa kane ka Tiranga Yatra la pynlong ha kylleng jong ka ri kum ka dak ka jingai burom ïa ki shipai kiba la aiti ïa la ka jong ka jingim ban ïada ïa ka ri khamtam ha ka jingïakhun Operation Sindoor. Ngi sngew sarong na ka bynta jong ki,” ong u Bah Hek.
