Khliehriat ïaïong 13 : ïa ka “5th District Level Industrial Exhibition,” ba ar sngi kynthih ba la pynlong da ka ophis General Manager, District Commerce and Industries Centre, East Jaiñtia Hills District la plie hynnin ka sngi da u Deputy Commissioner, East Jaiñtia Hills District, , u A. Baranwal, IAS, ba la pynlong ha Wika Complex Compound, Khliehriat West.
Ha kane ka prokram la ia don lang ruh u Bah S. Pasweth, General Manager, District Commerce & Industries Centre, East Jaiñtia Hills District, Bah G. Pala, Functional Manager, District Commerce and Industries Centre, Kong M. Shylla, District Agriculture Officer, Kong O. Suchiang, District Horticulture Officer, Bah B. Nongpluh, District Animal Husbandry , ki ophisar na ka tnat Veterinary, Bah R. Hinge, District Transport Officer, Bah L. Bareh, Rangbah Shnong Khliehriat West nalor kiwei.
Ha ba kren ha ka jingia lang plie, u A. Baranwal, IAS, Deputy Commissioner, East Jaiñtia Hills District, Khliehriat u la ong ba ki nongshong shnong jong ka district ki long ki briew ki ba don ïa ki sap ha ki kam lajong bad ka donkam ban kyntiew shuh shuh ha ka ba iadei bad ki kam karkhana bad kiwei pat ki kam khaiï pateng hapoh ka district.U la ong ruh ba ka jingpynlong ïa ka ba kum kane ka jingpynpaw pyrthei (Exhibition) kan nang plielad ban iamir jignmut bad ki nongseng kam lajong khnang ban sngewthuh halor ki ba bun ki rukom treikam hapoh ka district bad ruh halor ki jingeh ki ba ki trai ka kam ki ïakynduh kumjuh kito ki ba dang sdang ïa la ki jong ki kam khnang ban lah ban weng ïa kine ki jingeh da ka jingiarap jong ki bor district nalor kiwei pat ki tnat sorkar ki ba don hapoh jong ka.
Na ka liang u DC u la ban ruh halor ka jingdonkam ban pynlong ïa ki jingpynshai paidbah halor ki skhim bapher bapher da ka District Commerce and Industries Centre (DCIC) khnang ba ki paidbah kin lah ban shim kabu lyngba kine ki skhim.Nalor kata u la pyntip ba ka sorkar jylla bad ka sorkar pdeng ki plie ïa ki lad kamai kajih lyngba ki jingiarap pisa kum lyngba ka PMEGP, PRIME ïa ka ba ka sorkar Meghalaya ka ju ai ïa ka jingiarap pisa na ka bynta ban seng ïa ki kam lajong ka ba long T.5 lak tyngka nalor ka jingiatuklar lang da ka Meghalaya Basin Management Authority.
Katba na ka liang u Bah S. Pasweth, General Manager, District Commerce & Indus-tries Centre, EJHD, Khliehriat ha ka jingkren u la ong ba ka jingpynlong ïa kane ka Exhi bition ka long shibynta jong ka jingrakhe ïa ka jingdap 50 snem jong ka jylla Meghalaya.U la ong ruh ba ka jingpynlong ïa kane ka exhibition ka thmu ban khmih halor ka bha ka miat jong kito ki kynhun seng kam ki ba la rejistar hapoh ka UDYAM/UAM bad ruh ban jied ia ki ba kin mihkhmat ia ka district ha ka State bad National Level Exhibition.Nalor kata u la pynpaw ruh ha ka ba ïadei bad ki skhim bapher bapher ki ba don hapoh ka tnat District Commerce & Industries Centre.
Ha kane ka exhibition ki la don haduh 24 tylli ki jaka pyni ïa ki jingshna bad ki jingpynmih da ki kynhun sengkam naduh ki ba rit ki ba pdeng bad lyngba ki Cooperative Society ka Jaiñtia Hills, kata ka ba kynthup naduh ki jingshna kti ba la shna na ki dieng ki siej, ki jaiñ ki nep ba shu suh bad thaiñ kti, ki umsoh, ngab, ki soh ba la song, ki syntiew, ki soh bad kiwei kiwei.Ha kane ka exhibition la wan iashim bynta ruh da ki tnat sorkar bapher bapher jong ka district, kata kum na ka ophis u Superintendent of Fisheries, EJHD, District Agriculture Officer & District Horticul ture Officer, District Animal Husbandry & Veterinary Officer, bad napoh ka ophis jong District Handloom.
Kiwei pat ki ba la ai jing kren ha kane ka sngi ki kynthup u Bah G. Pala, Functional Manager, DCIC, EJHD bd u Bah P. Suja, FM, Functional Manager, DCIC.
