La pynlong ïa ka 4th State Weightlifting C’ship 2025: Shim bynta lang ki khynnah ba dang 9 snem

Mawkyrwat, Naiwieng 10: Ka Meghalaya Weightlifting Association ha ryngkat ka jingïatreilang bad South West Khasi District Weightlifting Association lem bad ka ophis jong u District Sports Office, South West Khasi Hills District ha ka sngi Saitjaiñ, 08 tarik u Naiwieng, 2025 ka la ïoh ban pynlong ïa ka 4th State Weightlifting Champions 2025 ha Indoor Stadium, Mawkyrwat, South West Khasi Hill’s District, Mawkyrwat ha kaba u Vijay Sharma (Dronacharya Awardee), uba long coach ïa ka Mirabai Chanu, u long kum u kongsan.
Kane ka lympung ka long ruh shibynta jong ka jingpynkhreh ïa ka 39th National Games Meghalaya 2027 ha kaba ki nongïashimbynta ki long naduh kiba la kham heh karta haduh kiba dang rit karta haba kaba ki la pyni shisha ïa ka sap ba ki ki don kumno ban rah ïa ka nar ne ka Weightlifting katkum ka jingkhia ba la buh.
Ki nongwan ïa shimbynta ha ka jingïakop rah-nar jong ki shynrang ki don baroh 25 ngut kata kiba dei ha ka kyrdan ba 56 Kilo ki don baroh 7 ngut, ha ka kyrdan ba 60 Kilo ki don baroh 9 ngut kynthup ki khynnah, ki rangbah bad ki samla, ha ka kyrdan ba 65 Kilo ki don baroh 5 ngut, ha ka kyrdan ba 79 Kilo ki don tang uwei kine baroh ki dei jong ki shynrang.
Nangta, ha ka liang ki kynthei pat ki baroh 21 ngut kata ha ka kyrdan ba 44 Kilo ki don 8 ngut, ha ka kyrdan ba 48 Kilo ki don 3 ngut, ha ka kyrdan ba 53 Kilo ki don 2 ngut, ha ka kyrdan ba 58 Kilo ki don 5 ngut, ha ka kyrdan ba 63 Kilo ki don 2 ngut bad ha ka kyrdan ba 69 Kilo ki don tang iwei.
Ki nongjop ha kane ka jingïakop rah-nar jong ki shynrang ki long ha ka jingkhia ba 56 kilo (Youth Category) ki long u David Lyngdoh na Ribhoi District, u Chemiki Khynriam na West Jaiñtia Hills bad u Wansameki Buhroy na East Khasi Hills District. Nangta, ha ka jingkhia ba 60 kilo ki long u Damebaithi Tang, u Dropstar Tang bad u Daoowanki Tang kine ki dei na West Jaiñtia Hills District. Ha ka 60 kilo (Junior Category) ki long u Shanborlang Khynriam na West Jaiñtia Hills District, u Linus Maslai na Ribhoi District bad u Lamphrang Suiam na West Jaiñtia Hills District.
Shuh shuh ki nongjop ha ka ka jingkhia ba 65 kilo ki long u Alanfield Ryntathiang bad u Habamut Thymmai Kharlyngdoh kine ki dei na East Khasi Hills District bad ha ka jingkhia ba 60 kilo (Senior Category) dei u Raul Gabryan N. Sangma na West Garo Hills District. Ha kaba bynta jong kiba 65 kilo pat dei u Raksil N. Sangma na West Garo Hills District, u Nangkmen Dhar bad u Lamjingmut Lamare kine na West Jaiñtia Hills District bad uba jop ha ka jingkhia ba 79 kilo dei u Banteiskhem Lyngdoh na Ribhoi District.
Ki nongjop na ka liang jong ki kynthei ki long ha ka jingkhia ba 44 kilo (Youth Category) ki long ka Darisha Nongrum na Ribhoi District, ka Haphilaaiti Nongrum na South West Khasi Hills District bad ka Michelda Nongrum na Ribhoi District bad ha ka 48 kilo dei ka Daphi Lyngdoh na Ribhoi District. Ha ka 48 kilo (Junior Category) dei ka Isalarica Lapang na South West Khasi Hills District bad ka Chesia M. Marak na West Garo Hills District bad ha ka 53 kilo (Youth Category) dei ka Kasanchi Donesa J. Marak na South Garo Hills District bad ka Sngurmynsiem Suting na Ribhoi District.
Nangta, shuh shuh ki nongjop ha ka kyrdan ba 58 kilo (Youth Category) ki long ka Balawanshwa Kharkongngor bad ka Rani Shadap kine ki dei na Ribhoi District. Ha ka 58 kilo (Junior Category) ki long ka Balawanshwa Kharkongngor, ka Rani Shadap bad ka Ibanhunshisha Khsiar kine ki dei na Ribhoi District.
Ha ka 69 kilo (Senior Category) dei ka Bavaria Shullai na West Jaiñtia Hills District bad ka Jasmine Bakor Kharphuli na East Khasi Hills District bad ka Aiei Banity Lyngdoh Nonglait na na Ribhoi District kaba jop ha ka 69 kilo (Senior Category).
Ym tangkata, la ïoh ruh ban sam ïa ki khusnam kyrpang sha ki ar ngut ki nongïashimbynta kiba dang kham rit kata u Dawan Marweiñ, 9 snem karta bad ka Baiakmenlang Suting, 9 snem kiba dei na Ribhoi District.
Kiwei de kiba la ïa donlang ki long u A.S.P. Marak, MCS, Assistant Commissioner ka South West Khasi Hills District kum u symbud kongsan, u bah Donald Rymbai, President ka Meghalaya Weightlifting Association, ki nongkitkam jong ka South West Khasi District Weightlifting Association lem bad kiwei de.