Khliehriat, Risaw 29: Ka Executive Committee kaba la pynlong myn ha ka janmiet jong ka 24 tarik risaw 2025 ha iing Club ha shnong Bataw East Jaiñtia Hills District ka la shim ïa kawei ka rai ban pynkylla noh ïa ka kyrteng jong ka Football Tournament,kata ka long na ka RYC Bataw Knockout Football Tournament sha ka Umsyngki Knockout Football Tournament.
Mynta u snem ïa katei ka Tournament yn tip kum ka 4th Umsyngki Knockout Football Tournament 2025-26 bad yn plie paidbah ïa kane ka Tournament ha ka 20 tarik u bnai nohprah 2025 ha madan Lacheh Playground Bataw.
La pynbna ruh ba ka team kaba ioh ïa ka nam lah duh ha kane ka tournament ka ioh rah ïa ka khung pisa kaba T2 lak tyngka lem bad ka trophy, katba ka Runner Up Team pat ka ioh rah ïa ka khung pisa kaba T 1 lak tyngka.
Ka bai rung ne bai entry ha kane ka tournament ka long T6000/- (hynriew hajar tyngka) kynthup bad ka bai registration ïa ki player.
Kane ka Tournament kan long Direct Round 16 bad yn pdiang ïa kito kiba wan ha shwa lane First Come First Serve, kane ka long katkum u kyrwoh ba la phah da u President RYC Bataw, u bah Deihok Sumer.
