Shillong, Risaw12: Ka jingdon jong ki skul ba kham heh ha ki jaka nongkyndong kala ïarap shibun ïa ki khynnah skul ban lah shuh shuh ban bteng ïa ka jingpule kiba kham sha jrong. Dei na ka jingdon kum kine ki skul heh kala ïa rap ruh ban pynduna ka jinglut jingsep jong ki kmie ki kpa khamtam ki longing longsem ba duk ba kyrduh ban pyndap pynbiang ïa ka iing ka sem bad ban kyrshan skul ruh ïa ki khun.
Kawei na kine ki skul ba la tip kum ka FGEM Higher Secondary School Nongspung kaba don ha West Khasi Hills District ka long ruh ka jingsah kynmaw ïa ka thain Nongspung lyngba ka jingsdang kaba rit mynta kala kylla long ka wei ka shlem ai jingstad kaba khraw tam ban noh synniang ha ka jingnang jingstad, wat ha pdeng kiba bun ki jingeh ne ki dieng pynkiang bad khlem kynran dien ki la thom ïa ki jingeh bad ka skul kala nangkiew shaphrang.
Ka FGEM Higher Secondary School Nongspung kaba long kawei na ki skul ha ki thain nongkyndong kaba la nangkiew na kawei ka por sha kawei ka por bad ban iabeh shaphrang kum ki skul kiba don ha sor Nongstoin. kum ba la sakhi mynta ka skul ka la lah ban kyntiew shisha ïa ki khynnah skul. Ki bor pynïaid ki ju ai mynsiem bad khusnam ruh ha ki jingïakop ne jingjop kiba pher ba pher
Dang ha ka 08 tarik mynta u bnai ka skul ka la pynlong ïa ka School Week kum ka jingpynshlur ïa ki khynnah skul bad ban pyni ïa ki sap ki phong kala ïoh ban pynlong ïa ki jingïakop bapher bapher kum ka Recitation, Drawing & painting, Quiz, Debate, Extempore Speech, talent show, flower arrangement bad khamtam eh la pynshongshit da ka Miss bad Mr FGEM School kane kala ïarap shibun ïa ki khynnah kumno ban san ha baroh ki liang ym tang haka jingtip ïa ki kot.
Na ka liang u Bah K. Marngar Principal ha ka jingkren ba lyngkot u la ai mynsiem ïa baroh kiba ïashim bynta ba kin nangïai pyrshang bad leh bha khlem da duh mynsiem ba kin long ki nongjop ha kawei ka sngi. u la ong kane ka dei ka patform ban pyni ïa ka sap ka talent ba ki don khnang ba phin long ki nongïalam bad kiba myntoi ha ka imlang sahlang.
La pynkut da kaba sam ïa ki Prize ïa ki nongjop ha kaba ka Aisimery Nongsiej bad u Joswonsing Nonglang ki la ïoh rah ïa ka nam Miss bad Mr FGEM School 2025.
