Khliehriat Rymphang 10: U Deputy Commissioner ka East Jaiñtia Hills District, u Manish Kumar u la ong ba ki bor pynïaid district naduh ka sngi Nyngkong ha ka por 5 baje janmiet la pynkut noh ïa ka operation ne ka jingwad ïa ki briew ha krem dewïong ha Mynsngat ha ka thaiñ Thangsko bad kane ka jingpynkut ka dei hadien ba ki shipai pyllait im ki la sngewthuh ba ym don shuh kiba dang sahkut namar hadien ba la dep sei ïa ki 18 ngut ha ka sngi ba jia bad sawngut pat ha ka sngi babud.
Hadien ka jingïoh sei ïa kitei ki 22 tylli ki met napoh krem dewïong ki shipai pyllait im ki khlem pat sangeh ïa ka jingwad bad dei hadien katto kane sngi ka jingpyrshang biang ban wad, ki khlem lap dien eiei shuh bad ki la sngewthuh ba ym don shuh ki briew kiba dang sahkut hapoh krem, kumta ha ka janmiet jong ka 9 tarik Rymphang la pynkut noh ïa ka jingwad ïa ki met na ki krem dewïong kiba don ha katei ka thaiñ.
