La pynkut ïa ka ‘19th Open to all Badminton Championship 2022’ ka Loompyrdi Iongpiah

Jowai, Jylliew 26: Ka Loompyrdi Iongpiah, Jowai lyngba ka Sports & Games Committee, ka la pynhap pyrda noh ïaka ‘19th Open to all Badminton Championship 2022’ da u kongsan ma E.M.H. Passah, Working President ka WJHDS ha kane ka sngi saitjaiñ ha Indoor Hall ka Seiñ Raij Jowai, (madan ryngkaw) Tpep-pale Jowai.
Kane ka lympung ïalehkai Badminton la sdang ïa ka naduh ka 13 tarik u Jylliew bad la don haduh 102 tylli ki match bala pynïakhun ha ki kyrdan kum ka 50yrs+, 35yrs+, Under-19 yrs (Boys Single/Doubles), Open (Men single & Men Doubles) bad ka Mix double.
Ha ka 50+ Men Single la jop da u Wanmi Dkhar, ha ka 50+ Men Double la jop da u Goldenstar Kharbuli & Pynbianglang Laloo, ha ka 35+ Men Single u Dr. Peterson Lamare ula long u nongjop, katba haka 35+ Men Doubles u Subadonbor Pyngrope bad u Naresh Asher kila long ki nong jop,
Ka jingïakhun ha ka Open Men’s Doubles u Deilang wa oo Nongpluh bad u Burom langki Lakiang kila long ki nongjop, ha ka open men’s Single la jop da u Mebankerlang Shullai. Ha ka Mixed Doubles u Mebankerlang Shullai bad ka Emilanadaka Chyrmang kila long ki nong jop,
Ha ka Under-19 Boys Single u Banshanbor Lamare ula long u nong jop bad ha ka Under-19 Boys Double la jop da u Owawan Dkhar & u Heini Paia S Manner,
Ïa ki khusnam sha ki nongjop la sam da u kongsan, katba na ka liang u Sports Secretary ma Teddy Laloo ula ai ka jingkhublei ïa baroh kiba la wan ban ïashim bynta ha kane ka lympung Badminton ba Khadkhyndai ula pynpaw ruh ka jingaikhublei ïa ki player ki bym don kano kano jingkdew kti ïa ki nongpynïaid (umpire) ka Tournament.