La pynkup burom ïa ki samla ki ba la pyndep ïa ka jingpule halor ki lad seng kam lajong

Shillong, Naitung :ïa ka jingïalang pynkup burom na ka bynta ki samla ki ba la pyndep ïa ka jingpule ha lai bnai halor ki lad seng kam seng jam ka ba dei ka batch ka ba 8 ïa ka ba la bei tyngka da ka UGC la pynlong ha ka 9 tarik mynta u bnai hapoh Principal Conference jong ka Shillong College, Shillong.
Ki la don haduh khatphra ngut ki nongïashim bynta ki ba la lah ban pyndep ïa kane ka course, ka ba kynthup ïa ki jingbatai bad ki jinghikai ha kane ka jingpule ka ba lai bnai kynthih, ha ka ba na ka liang ki nongïashim bynta ki la lah ruh ban wan ïashim bynta ha ka ‘residential workshop’ ka ba ar sngi kynthih hapoh RRTC, Umran.
Ha ba aijingkren ha ka jingïalang kum u Kongsan, u Bah Lambor Malngiang, MLA, Nongkrem Constituency bad Chairman barim ka Meghalaya Planning Board u la ai ka jingïaroh ia kane ka kolej halor ka jingshim ïa kine ki sienjam ban btin lynti ïa ki samla khlem kam khlem jam na ka constituency ka jong u ba kin kylla long ki nong thaw kam. Nalor kata u la kular ruh halor ki lad jingïarap pisa na ka bynta baroh kine ki nongïashim bynta.
Katba na ka liang ka Symbud Kongsan, I Kong Jolene Phankon, Assistant Manager, Meghalaya Institute of Entrepreneurship, Government of Meghalaya, i la ai khublei ïa baroh ki khatphra ngut ki nongïashim bynta ki ba la lah ban pyndep ïa kane ka jingai jinghikai bad u la aijingmut ruh ïa ki ba kin twad jingmut lang bad ka PRIME, Meghalaya, ka ba aijinghikai na ka bynta kito ki ba kwah ban sdang seng ïa ki kam lajong.