La pynjari ia ki kyndon aiñ 163 of Bharatiya Nagarik Suraksha Sanhita, 2023 ha EJHD

Khliehriat Risaw 30 : Ki bor District jong ka East Jaiñtia Hills District, lyngba u District Magiatrate, u Shivansh Awasthi, IAS mynta ka sngi u la pynbna ba la pynjari ïa ki kyndon ain jong ka 163 of Bharatiya Nagarik Suraksha Sanhita, 2023 ha East Jaiñtia Hills District bad kane ka dei halor ka jing leh niam Diwali kaban kut ha ka 1 tarik u naiwieng.

  Ki bor district ki mana ban pynbthei ïa ki ding diwali ne fire crackers ha ki jaka paidbah bad lada ïa kane ka jingpynbthei ding Diwali ym lah ban tehlakam kan lah ban ktah ïa ka lyer bad pynjakhlia ia ka lyer ka ban ktah ïa ka koit ka khiah bad ruh  kan pynmih ruh ka jingsawa .

Na ka liang ka sorkar ruh ka la dep bthah ba ym dei ban die ïa kito jingpynbthei  kiba wanrah na bar ri bad yn pyrkhing ruh ïa ka rukom pyndonkam ïa ki jingpynbthei ding diwali bad ka por kaba naduh 8 baje mynmiet haduh 10 baje mynmiet.

Kane ka kyndon aiñ 163 of Bharatiya Nagarik Suraksha Sanhita, 2023 kaba katkum ki kyndon 1,2, 3, 4 MSTRIC ka mana ruh ban pyndonkam ïa ki jingbynbthei kiba pynmih ïa ka jingsawa kaba jur level 125 db (A1) of 145 db (C) Pk ha ka  jingjngai kaba 4 meters na ka jaka ba pynbthei bad kaba khah khah bad kaba ïa teh lang lane join crackers namar kane kan pynmih ïa ka jingjakhlia ka mariang , la mana ruh ban pynbthei ha kaba jaka ba jngai 100 mitar na ki hospital , ki nursing homes, ki primary health care centers, na ki skul , na ki iïngbishar , ki ïingmane .

La bthah ruh ba kito kiba die ïa ki jingpynbthei diwali ki dei ban don ki licensed traders bad dei ban pynthikna ba ïa ki license dei ban ioh na ka ophis jong ka central pollution control board guidelines. Ïa kane ka hukum la pyntreikam mardor.