La pynhap pyrda ïa ka ‘15th Inter School Badminton Tournament 2022’, wan shim bynta 16 tylli ki skul

Jowai, Jylliew 04: Ïa ka lympung ïalehkai Badminton jong ki khynnah skul kaba la tip kum ka ‘15th Inter School Badminton Tournament 2022’, ba la pynïaid da ka West Jaiñtia District Badminton Association (WJDBA) Jowai, la pynhap pyrda noh mynta ka sngi ha Chutwakhu Indoor Sports Hall, Jowai da u kongsan ma L. Lyngdoh, Joint Director School Education & Literacy West Jaiñtia Hills District, Jowai.
Ïa kane ka Tournament la sdang ïa ka naduh ka 1 tarik u Jylliew kaba la neh haduh saw sngi lynter, baroh ki khynnah skul kiba la poi sha kane ka lympung kila don haduh 138 ngut ki nongïashim bynta na ki 16 tylli ki skul napoh ka West Jaiñtia Hills, ïa ki jingïakhun la pynbynta ha ki lai kyrdan kata ka Under-13, Under-15 bad ka Under-17 jong ki khynnah shynrang bad kynthei haka Single bad Double.
Haba phai sha ka jingïakhun painal mynta ka sngi ha ka kyrdan U-13 Boys Single la jop da u Teidamei Sungoh na ka Jowai Public School da kaba pynliem ïa u Wanki Pakynteiñ ka Govt. Boys da 21-19, 21-17. Ha ka U-13 Boys Double u Jiedmitre Kyndiat bad u Riang Fermitre Bareh kila pynliem ïa u Ewan sa-oo Sumer bad u Jesaia Thiaite da 21-9, 21-10 kiba dei baroh ar na ka Jowai Public School.
Ha ka U-15 Boys Single u Salonbhami Suchaing ula pynliem ïa u Lechan Suchiang da 21-13, 10-21, 15-21 kiba dei na ka Lummoroo SS Shangpung. Ha ka U-15 Boys Double u Lechan Suchiang bad u Salonbhami Suching na ka Lummoroo SS Shangpung kila pynliem ïa u Iar-i-tre Kyndiah bad u Ebhami Bareh na ka North Liberty da 21-11, 21-15.
Ha ka U-13 Girls Single ka Dabiang Sakani Lyngdoh na ka North Liberty kala pynliem ïa ka Aureliana Passah na ka KJP HS School da 21-12, 21-11. Ha ka U-13 Girls Double ka Shida Phawa bad ka Ewadaemi Phawa na ka Jowai Public School kila pynliem ïa ka Dona Ancelika Phyllei bad ka Raviangcy Chullai na ka Ches’ Stars School da 20-19, 22-21.
Ha ka Under-15 Girls Single ka Namidakahi Nongpluh na ka KJP School kala pynliem ïa ka Dabiangsakani Lyngdoh ka North Liberty da 21-18, 21-12. Ha ka Under-15 Girls Double ka Namidakahi Nongpluh bad ka Aureliana Passah na ka KJP School kila lah ban pynliem ïa ka Dabiang Sakani Lyngdoh bad ka Knomika Shylla na ka North Liberty da 21-19, 21-10.
Katba ha ka jingïakhun jong ka kyrdan U-17 Boys Single u Banshan Lamare na ka Khatarnor U.P Shangpung ula pynliem ïa u Hpwnipaia Sutnga ka Lummoroo SS Shangpung da 21-10, 21-18, ha ka U-17 Boys Double u Lechan Suchiang bad u Salonbhami Suchaing na ka LUmmoroo SS Shangpung kila pynliem ïa u Rohan Tiwari bad u Chamnahring Pashel na ka ATS da 21-14, 21-14.
Ha ka liang ki kynthei U-17 single ka Alvinia Kma na ka North Liberty kala lah ban pynliem ïa ka N.Grace Lalbiakhlui ka ATS da 21-15, 21-19. Ha ka uner-17 Girls Double ka Dabiang Sakani Lyngdoh bad ka Alvinia Kma na ka Lorth Liberty kila pynliem ïa ka Vanlalhruaitluangi Colney bad ka Grace Lalbiakhlui na ka ATS da 21-14, 21-14.
Ïa ki khusnam sha ki nongjop la sam da u kongsan ma L. lyngdoh Joint Director School Education & Literacy, ha ka jingdonlang President ma J.M Pohsngap, ki ar ngut ki Vice President ka seng ma D. Pyrbot bad ma EMH Passah, u General Secretary ma M. Nongpluh, ma R.D Sungoh President ka Laskeiñ Block Badminton Association, ma Teddy Laloo Chairman Tournament katba ïa ki kyntien ai khublei la ïoh na u Mebanker Shullai Secretary Tournament Committee.