Nongstoiñ, Nohprah, 21: Ka ophis jong u Deputy Commissioner, (Supply) West Khasi Hills District, ka la pyntip paitbah ba ïa ka umphniang sharak rashon (PDS) na ka bynta u bnai Nohprah 2022, la dep ban pyllait lyngba ki nongsam umphniang sharak sha ki longïing kiba hap hapoh ka AAY, PHH bad Non-NFSA kaba long 2.26 litar shi card.
Ka dor na ka bynta ki Sub-dealer ka long 97.99 tyngka shi litar bad na ka bynta ki paidbah jong ka Nongstoiñ (Town Area) ka long 100.99 tyngka shi litar bad shabar ka sor Nongstoiñ ka long 101.49 tyngka shi litar. Lada lap ïa ki nongsam ba ki sam duna ne shim palat ïa ka dor ba la buh, kin sngewbha ban ai ïa ka jingujor sha ka ophis jong u Deputy Commissioner (Supply) Nongstoiñ.
